අනපෙක්ෂිත බාධක සහ අභියෝග රැසක් මධ්යයේ වුවද, නැවුම් බලාපොරොත්තු දල්වමින් උදාවන්නා වූ සිංහල හා දෙමළ අලුත් අවුරුද්ද නිමිත්තෙන් සමස්ත ධීවර ප්රජාව ඇතුළු ශ්රී ලංකාවාසී සහෝදර ජනතාව වෙත මගේ හෘදයාංගම සුබපැතුම් මෙලෙස පිරිනමමි.
අතිගරු ජනාධිපති අනුර කුමාර දිසානායක මැතිතුමාගේ නායකත්වයෙන් යුත් වත්මන් රජය, මෙරට දේශපාලන ඉතිහාසයේ සැබෑ වෙනසක් සනිටුහන් කරමින් ජනතාවාදී පාලනයක් ස්ථාපිත කර තිබේ. මැති ඇමතිවරුන්ගේ අධික වරප්රසාද කප්පාදු කර, එම මුදල් ජනතාවගේ සුභසාධනය වෙනුවෙන් සෘජුවම යොමු කිරීමට අප පියවර ගත්තේ දූෂණයෙන් තොර පිරිසිදු රාජ්ය පාලනයක ආදර්ශය පෙන්වමිනි. 'අස්වැසුම' වැනි සුබසාධන වැඩසටහන් මෙන්ම, ධීවරයින් පීඩාවට පත් වූ සෑම මොහොතකම - විශේෂයෙන්ම 'Ditwa' සුළි කුණාටුවේදී සහ ඉන්ධන අර්බුදයේදී - රජය ලබාදුන් සෘජු මූල්ය දීමනා සහ සහන හරහා තහවුරු වන්නේ රජයේ සෑම තීන්දුවකම කේන්ද්රය වන්නේ පොදු ජනතාව බවයි.
අපගේ පරම අභිලාෂය වන්නේ "පොහොසත් රටක් - ලස්සන ජීවිතයක්" යන දැක්ම යථාර්ථයක් බවට පත් කිරීමයි. මෙම අලුත් අවුරුද්දේ නැවුම් බව, උතුරු දකුණු භේදයකින් තොරව සෑම ධීවර නිවසක් කරාම සැබෑ සෞභාග්යය රැගෙන එනු ඇතැයි මම විශ්වාස කරමි. එකම මවකගේ දරුවන් සේ අත්වැල් බැඳගෙන, බෙදීම් පසෙකලා පොදු ජාතික අරමුණක් වෙනුවෙන් පෙළගැසීමට මෙම අලුත් අවුරුද්ද අප සැමට ආශිර්වාදයක් වේවා!
මෙම අලුත් අවුරුද්දේදී සමස්ත ධීවර ප්රජාවගේත්, ශ්රී ලංකාවාසී සැමගේත් ජීවිත සෞභාග්යයෙන් පුරවාලීමට උපරිමයෙන් කැපවන බවට සහතික වෙමි.
ඔබ සැමට සාමය, සතුට සහ සෞභාග්යය පිරි සුබ අලුත් අවුරුද්දක් වේවා!
රාමලිංගම් චන්ද්රසේකර්,
අමාත්ය, ධීවර, ජලජ හා සාගර සම්පත් අමාත්යාංශය.
2026.04.10
