නබි නායකතුමන්ගේමුහම්මද් උතුම් ජන්ම දිනය සමරන මෙම ගෞරවනීය අවස්ථාවේදී, ශ්‍රී ලංකාවාසී සියලුම ඉස්ලාම් බැතිමතුන්ට මාගේ හෘදයාංගම සුබ පැතුම් පිරිනමමි.
නබි නායකතුමන්ගේ ඉගැන්වීම් වන සාමය, සහෝදරත්වය සහ කරුණාව දැක්වීම වැනි උතුම් ගුණාංග, බහු-සංස්කෘතික සමාජයක් ලෙස අපගේ එක්සත්කම සහ සහජීවනය සඳහා අත්‍යවශ්‍ය පදනමකි.
මෙම උතුම් ඉගැන්වීම් අතර, සොබාදහම සහ එහි සම්පත්, මිනිසා වෙත දෙවියන් විසින් පැවරූ ශුද්ධ වූ භාරකාරත්වයක් ලෙස සැලකීමේ ගැඹුරු දර්ශනයට හිමිවන්නේ සුවිශේෂී ස්ථානයකි. එම ස්වභාවික දායාදය රැකගෙන, අනාගත පරපුරට දායාද කිරීම අප සැමගේ උතුම් වගකීමකි.
ධීවර නියෝජ්‍ය අමාත්‍යවරයා ලෙස, මෙම උතුම් ඉගැන්වීම අපගේ ක්ෂේත්‍රයට ලබාදෙන මඟ පෙන්වීම ඉතා වැදගත්ය. අපගේ සමුද්‍ර සම්පත යනු, අපට හිමිවූ එවන් වටිනා උරුමයකි. එය තිරසාර ලෙස කළමනාකරණය කිරීම, අපගේ ජීවනෝපාය සුරක්ෂිත කරනවා පමණක් නොව, සොබාදහම වෙනුවෙන් අප ඉටුකළ යුතු යුතුකම ද වන්නේය.
මෙම උතුම් දිනයේදී, අපගේ ධීවර ප්‍රජාවගේ වෙහෙස මහන්සිය ගෞරවයෙන් සිහිපත් කරන අතරම, අප වෙත පැවරී ඇති මෙම පරිසර භාරකාරත්වය ඉටුකිරීමට එක්සත්ව කැපවෙමු යැයි මම යෝජනා කරමි.
සැමට සාමය සහ සෞභාග්‍යය පිරි මිලාද් උන්-නබි දිනයක් වේවා!
