ගරු. පියල් නිශාන්ත ද සිල්වා මැතිතුමා
රාජ්‍ය අමාත්‍ය
ධීවර රාජ්‍ය අමාත්‍යාංශය
| දුරකථනය | : | +94 112 446 188 |
| ෆැක්ස් | : | +94 112 446 187 |
| විද්යුත් තැපෑල | : | stateminister[at]fisheries.gov.lk |
එච්. එම්.පියල් නිශාන්ත ද සිල්වා (උපත 1970 ජූනි 30) ශ්‍රී ලාංකික දේශපාලනඥයෙක් සහ ශ්‍රී ලංකාවේ පාර්ලිමේන්තු මන්ත්‍රීවරයෙකි.
අධ්‍යාපනය
පියල් නිශාන්ත මහතා ප්‍රාථමික හා ද්විතීයික අධ්‍යාපනය ලැබුවේ අලුත්ගම ජාතික පාසලෙනි. ඉන් පසු ඔහු දුරස්ථ ඉගෙනුම් මධ්‍යස්ථානයේ ඩිප්ලෝමා පාඨමාලාවක් හදාරා 1993 දී දෘශ්‍ය හා රංග කලාව පිළිබඳ ගුරුවරයෙකු බවට පත්විය.
දේශපාලන ජීවිතය
පියල් නිශාන්ත මහතා සිය දේශපාලන ජීවිතය ආරම්භ කළේ 1996 වසරේ කළුවාමෝදර ග්‍රාම නිලධාරී කොට්ඨාසයේ ශ්‍රී ලංකා නිදහස් පක්ෂයේ ලේකම්වරයා ලෙස තේරීපත්වමිනි. 1997 දී බේරුවල ප්‍රාදේශීය සභාවට තේරී පත් වූ ඔහු 2006 දී බේරුවල ප්‍රාදේශීය සභාවේ සභාපති ධූරයට පත් විය.
2009 දී ඔහු බස්නාහිර පළාත් සභාවට තේරී පත් විය. 2015 දී ඔහු කළුතර දිස්ත්‍රික්කයෙන් එක්සත් ජනතා නිදහස් සන්ධානය නියෝජනය කරමින් ප්‍රථම වරට පාර්ලිමේන්තුවට පිවිසියේය.
ඔහු ශ්‍රී ලංකා පොදුජන පෙරමුණ නියෝජනය කරමින් 2020 පාර්ලිමේන්තු මැතිවරණයට ද තරඟ කර ශ්‍රී ලංකාවේ 16 වැනි පාර්ලිමේන්තුවට තේරී පත් විය. 2020 අගෝස්තු 12 වන දින, ඔහු ජනාධිපති ගෝඨාභය රාජපක්ෂ මහතාගේ පළමු කැබිනට් මණ්ඩලයේ කාන්තා හා ළමා සංවර්ධන, පෙර පාසල් සහ ප්‍රාථමික අධ්‍යාපන, පාසල් යටිතල පහසුකම් සහ අධ්‍යාපන සේවා රාජ්‍ය අමාත්‍යවරයා ලෙස පත් කරන ලදී.
- 2022 සැප්තැම්බර් 08 වැනි දින ඔහු ජනාධිපති රනිල් වික්‍රමසිංහ මහතාගේ දෙවන කැබිනට් මණ්ඩලය යටතේ ධීවර රාජ්‍ය අමාත්‍යවරයා ලෙස පත් කරන ලදී.
- 2020 වසරේ - ශ්‍රී ලංකාවේ 16 වැනි පාර්ලිමේන්තුවේ මන්ත්‍රී
- 2015 - ශ්‍රී ලංකාවේ 15 වැනි පාර්ලිමේන්තුවේ මන්ත්‍
- 2014 - බස්නාහිර පළාත් සභා මන්ත්‍රී
- 2009 - බස්නාහිර පළාත් සභා මන්ත්‍රී
- 2006 - සභාපති, බේරුවල ප්‍රාදේශීය සභාව
- 2001 - විපක්ෂ නායක, බේරුවල ප්‍රාදේශීය සභාව
- 1997 - බේරුවල ප්‍රාදේශීය සභා මන්ත්‍රී
- 1996 - කළුමෝදර ග්‍රාම නිලධාරි කොට්ඨාශයේ, ශ්‍රී ලංකා නිදහස් පක්ෂයේ ලේකම්
