நாரா (NARA) நிறுவனத்தினால் பலநாள் மீன்பிடிப் படகுகளுக்கு தற்போது வழங்கப்படும் “மீன் நடமாட்டம் உள்ள பகுதிகள் குறித்த முன்னறிவிப்புகளை” மேலும் முறைப்படுத்துவது மற்றும் தரவுகளின் துல்லியத்தன்மையை அதிகரிப்பது தொடர்பான விசேட கலந்துரையாடலொன்று கடற்றொழில், நீரியல் மற்றும் கடல்வள அமைச்சில் நடைபெற்றது.

இந்திய தேசிய கடல் தகவல் சேவைகள் மையத்தின் (Indian National Centre for Ocean Information Services – INCOIS) உயர்மட்ட குழுவினருக்கும், கடற்றொழில், நீரியல் மற்றும் கடல்வள அமைச்சின் செயலாளர் கலாநிதி பி. கே. கோலித கமல் ஜினதாச அவர்களுக்கும் இடையில் நடைபெற்ற இந்தச் சந்திப்பில், இரு நாடுகளுக்கும் இடையிலான கடற்றொழில் துறையின் தொழில்நுட்ப ஒத்துழைப்பை வலுப்படுத்துவது குறித்து விரிவாக கலந்துரையாடப்பட்டது.

இங்கு அவதானம் செலுத்தப்பட்ட முக்கிய விடயங்கள்:

✅ மீன்வள முன்னறிவிப்பு தரவுகளை மேலும் துல்லியமாகவும் (Accuracy) விரைவாகவும் மீனவர்களுக்கு வழங்குதல்.

✅ நவீன தொழில்நுட்ப அறிவு மற்றும் அனுபவங்களைப் பகிர்ந்துகொள்ளுதல்.

✅ இந்நாட்டு அதிகாரிகளுக்கான விசேட தொழில்நுட்ப பயிற்சி வேலைத்திட்டங்களை நடைமுறைப்படுத்துதல்.

இந்த புதிய தொழில்நுட்ப வளர்ச்சியின் மூலம், பலநாள் மீன்பிடியாளர்கள் மீன்கள் நடமாடும் வலயங்களை துல்லியமாக அடையாளம் காண முடியும் என்பதுடன், இதன் மூலம் எரிபொருள் செலவு மற்றும் நேரத்தை வீண்விரயமாக்காது அதிக மகசூலைப் பெற்றுக்கொள்வதற்கும், மீன் வளம் வீணாவதைக் குறைப்பதற்கும் பெரும் பக்கபலமாக அமையும்.