ஐக்கிய நாடுகள் பாதுகாப்புச் சபை தீர்மானங்களுக்கு (UNSCRs 1267 மற்றும் 1373) அமைவாக, பயங்கரவாதத்திற்கு நிதியளித்தல் மற்றும் பேரழிவு ஆயுதப் பரவலைத் தடுத்தல் ஆகிய நோக்கங்களைக் கொண்ட இலக்குவைக்கப்பட்ட நிதித் தடைகள் (TFS) கட்டமைப்பை பயனுள்ள வகையில் நடைமுறைப்படுத்துவதற்காக, கடற்றொழில் அமைச்சு மற்றும் கடற்றொழில் திணைக்களத்தின் தொடர்புடைய அதிகாரிகளுக்கான விழிப்புணர்வு நிகழ்ச்சி, இலங்கை மத்திய வங்கியின் நிதி புலனாய்வுப் பிரிவினால் (FIU) இன்று (16) கடற்றொழில்,நீரியல் மற்றும் கடல் வளங்கள் அமைச்சகத்தின் கேட்போர் கூடத்தில் நடாத்தப்பட்டது.

​இந்த நிகழ்ச்சியில், கடற்றொழில் அமைச்சு மற்றும் கடற்றொழில் திணைக்களத்தின் தொடர்புடைய பிரிவுகளின் பொறுப்புகள் மற்றும் TFS கட்டமைப்பை நடைமுறைப்படுத்துவது தொடர்பான பின்வரும் முக்கிய விடயங்கள் கலந்துரையாடப்பட்டன:

​தொடர்புடைய TFS மற்றும் நியமிக்கப்பட்ட நபர்களின் தகவல்களை எளிதாக அணுகுவதற்காக, மீன்பிடிகடற்றொழில் மற்றும் நீரியல் வளங்கள் திணைக்களத்தின் தகவல் தொழில்நுட்பப் பிரிவுக்கு API வசதியை வழங்குதல் மற்றும் தகவல் தொழில்நுட்ப அமைப்புகள் மூலம் தேவையான பரிசீலனைகளை மேற்கோள்ளுதல்.

​படகுப் பதிவு மற்றும் உரிமை மாற்றல் நடைமுறைகளின் போது, தொடர்புடைய நபர்கள் அல்லது நிறுவனங்களை சரியாக அடையாளம் காண்பதற்கும் TFS இணக்கத்தை உறுதிப்படுத்துவதற்கும், தற்போதைய நிர்வாக நடைமுறைகளில் தேவையான நிபந்தனைகளைச் சேர்த்தல்.

​TFS நடைமுறைப்படுத்துவது தொடர்பான சட்டப் பிரச்சினைகள் மற்றும் அமைச்சகத்திற்கும் திணைக்களத்திற்கும் இடையிலான தொடர்புடைய பொறுப்புகளைக் கலந்துரையாடி தெளிவுபடுத்திக் கொள்ளுதல்.

​மேலும், இந்த நிகழ்ச்சியின் மூலம் தொடர்புடைய பிரிவுகளின் பொறுப்புகள் குறித்து தெளிவான விளக்கம் அளிக்கப்பட்டதோடு, எதிர்காலத்தில் தகவல் தொழில்நுட்பப் பிரிவு நிதி புலனாய்வுப் பிரிவுடன் இணைந்து முன்மொழியப்பட்ட API வசதியை நடைமுறைப்படுத்துவதற்கும், மேலாண்மை மற்றும் சட்டப் பிரிவுகள் மூலம் நிர்வாக மற்றும் சட்டத் தேவைகளைப் பூர்த்தி செய்வதற்கும் இதன்போது தீர்மானிக்கப்பட்டது.